من الالام تولد الامال قالها “خط برليف” مستشفي الجامعة ببني سويف تمريض العزل مقاتلين علي خط النار كتبت_ صفاء سمير

تركوا منازلهم واسرهم وقرروا خدمة وطنهم متحدين فيروس كورونا .. هكذا هو الحال في مستشفي جامعة. بني سويف   … خلية نحل تعمل ليلا ونهار لخدمة المصابين بكورونا بتعريض حياتهم للخطر دون كلل او ملل.

كتب ابطال  الجيش الابيض علي حسابة الشخصي

“ياسر مصطفى” بقسم الصدريةمن ضمن مقاتلين  بعزل مستشفي الجامعه احد ابطال الجيش الابيض كلمات من واقع يومياتة داخل العزل وبدا كلماتة علي حسابة الشخصي
ولا يحب أي مقاتلٍ -مهما كان جَسورا- الحربَ بقدر ما يحب السلام، بل لأنه جرب أرض القتال فإن حبه للسلام أشد من أي أحد. ولا يبكي الجندي ولا ينام نومه الطويل ولا يعانق محبه إلا بعد صمت الطلقات، ورفع الرايات، وإعلان انتهاء الحرب.. “وأجمل ما في الحرب نهايتها، ونهاية الحرب السلام”. وبعون الله وتوفيقه (( أنتصرنا.))
نتكلم بقي بالعامية لتوثيق كواليس ايام العزل
لما عرفنا ان اسمائنا اتحطت في قسم العزل واتبلغنا بكدة
لسة فاكر سلامنا علي اهلنا وتحضير شنطنا وكاننا اخر مرة هنرجع ومش هنشوف اهلنا تاني
لسة فاكر اول مريض يتم حجزه داخل القسم كان بعد سبع ايام من بداية فترة العزل كان خوفنا ورعبنا الشديد
الي ان توفاه الله ونتيجة المسحة طلعت سلبية
لسة فاكرين الازمة وزيادة الحالات وفرحتنا في كل مرة يخرج علينا صاحبنا علشان يقول سلبية كل نتايج المرضي هنا سلبية ومحدش هيعرف قيمة كلمة سلبي الا اللي انتظارها.. فاكر اول مريض طلع ايجابي وطلع فريق مكافحة العدوي يسألنا مين اشتغل عليه وكان ردنا ان كلنا اشتغلنا عليه.. كنا فريق واحد وخايفين علي بعض انضباط شديد وكل اللي يعرف معلومة كان ييجي يقولها فاكر الضغطة الشديدة للازمة بعد انتشار الاصابات وكثرة الوفيات فاكر لما كنا بيغمي علينا في رمضان واحنا حتي مش قادرين نتنفس وزمايلنا اللي كان بيحصلهم اختناق وهبوط وكانوا بيناموا علي الكراسي من شدة التعب ..لما كان بيقع حد مننا ونحاول بقدر الامكان نشيل مكانه علشان ميحصلش عجز والشغل يقف.. فاكر الاصابات اللي طالت اهلنا في البيوت ومكناش عارفين نروحلهم
خوفاً عليهم.. فاكر اصابة اهلنا كلنا واحبابنا واصحابنا اللي كانوا لسة واقفين معانا.. فاكر شكل اهل المرضي وهما بيسيبوا مرضاهم امانة في رقبتنا ودمعتهم علي فراقهم ورهبتهم من الموقف.. لسة فاكر اهل المرضي اللي كانوا بيرموهم وحتي مبيحاولوش يسالوا عليهم.. لسة فاكر ندائات استغاثة من المرضي اللي تقريبا مبقاش فيه مكان يسعهم بعد استخدام كل الغرف في القسم واصابة اغلب الطاقم الطبي .. لسة فاكر دموعنا وبكائنا علي مرض اهلنا ووصلنا لانهيار تام في التفكير والتصرف.. لسة فاكر زمايلي اللي اتصابوا واتعزلوا في البيت واشتغلوا علي حالات العزل المنزلي في عز تعبهم ومرضهم امتثالا لقول الشاعر( داويتك وانا الذي بالدواء اولي )
من الالام تولد الامال ودي كانت اكتر كلمة علي لساني بقولها اقتناعاً بأن الازمة هتعدي لما الدنيا تضيق علينا قوي.. فاكر كل حالة طلعت تحسن وفرحة اهلها وهما خارجين فاكر ضحكنا مع المرضي ومحاولة التخفيف عنهم فاكر الدعم اللي كان بيوصلنا بطرق مختلفة ولو اقلها كانت مكالمة تليفون فاكر المدير لما مسي علينا بغداء من جمعية مصر الخير 😅ولما دخلنا واي فاي وقالنا هنجبلكم شاشة تلفزيون ومجبش يبااشا بس شغلنا الواي فاي الجميل 😅❤
فاكر الفاكهة بتاع مطبخ المستشفي فاكر الاكل اللي كان بيجيلنا من البيوت وكمية المحشي وبسبوسة مس هناء اللي انا مكلتش منها… دكتور هشام بشري اللي كان كل حاجة بنحتاجها بيجيبهالنا مع حسام باشا
فاكر مصطفي عرفة اللي كان بيجلطنا بتوزيعته وعودة اسرع حد بيتنرفز علي اللي خلفونا في المكان ونحاول نفهمه اننا في مركب واحدة والبعيد جبلة ..
واخيرا ً فاكر خروج اخر حالة واعلان الهدوء التام والترقب للموجة التانية للوباء
كنا فاكرين اننا هنموت وها قد عشنا ❤💕

كل واحد في الصور اللي فوق دي بإرادة من ربنا ساهم ولو بشكل بسيط في انقاذ حياة ناس كتير ووراء كل اللي فوق دول كان فيه ادارة وشبكة كبيرة من الناس بتحاول انها تساعدهم علشان يقدروا يقوموا بخدمتهم من امن لعمال لادارة لاهل لناس كتير الازمة كانت شديدة بس ربنا اراد اننا نكون اشد وننتصر لحظات صعبة مرينا بيها لو مهما فضلنا نحاول نوثقها مش هنعرف البوست ده هيتشير كل سنة علشان نفضل فاكرين ونفتخر بإذنجازنا ده ربنا يجعله سبب ولو بسيط في دخولنا الجنة بإذن الله 💕❤

واشار احد اطباء الجامعة د.مؤمن انتوا عملتوا كل ده علشان انتوا فعلا كنتوا رجالة وجدعان وعندكم ضمير فى شغلكم وربنا اكيد شايلكم كل ده اللى يعلى مكانتكم ويشفعلكم ❤
انتوا كنتوا عون للمرضى واهاليهم وللدكاترة كمان
انا مش ممكن انسى وقفة كل واحد فيكم معايا ف تعب والدى الله يرحمه
ربنا يبارك فيكم ويحفظكم ويثيبكم خير الثواب

كما اشار مصطفي تمريض الجامعة
ده لحظات لن ينساها التاريخ اطلاقا وربنا يتقبل عملنا ده ويعود علينا بالخير واكيد محدش هيقدر ينكر تعبنا ولا مجهودنا بالاخص اننا اول جروب يبدا عزل بمستشفي الجامعه وكانت ايام حلو بيكو كلكم ربنا يوفق الجميع

كما اشادت د.فاطمةياسر انتوا معملتوش كده بس
لا انتوا اوقات كتير كنتوا بتهونوا علينا احنا الدكاتره كمان
بالكلمه الحلوه والضحك وسط كل القرف اللي كان موجود
وبمساعدتكم لينا وتحملكم فوق طاقتكم وقت العجز ووقت ما عدد السراير كان فوق طاقه اي حد وفضلتوا تشتغلوا
يا ياسر انتو اكتر حد دعمني نفسيا في فتره العزل 🌸
انتو اجدع ناس واجدع تمريض رجاله بجد
والحمد لله ان الازمه عدت او بتعدي علي خير من غير خساير كبيره الحمد لله.